डिभी चिठ्ठाले एकै परिवारका तीनको ज्यान लियो

२२ फागुन, काठमाडौं  ।  भक्तपुरको मध्यपुर ठिमीस्थित  मगरगाउँमा एकै परिवारका तीनजनाको ज्यान लिने गरी  भएको रहस्यमय हत्या  घटनामा “पारिवारीक कलह”  नै मुख्य कारण भएको बुझिएको छ ।

इिडिभी चिठ्ठा परेर अमेरिका जाने तयारीमा  रहेका सलार्ही हरिवनका  ३५ बर्षीय  श्यामध्वज महत, उनकी श्रीमती  सुनीता कार्की  महत र  चारवर्षीया छोरी नानु महत  फागुन १० गते  शुक्रबार बिहान मृत अबस्थामा फेला परेका थिए ।

महानगरीय प्रहरी परिसर भक्तपुरका प्रमुख जगतमान श्रेष्ठले अमेरिका जाने तयारीका लागि  सुसुराली घरमा बस्दै आएका महत परिवारको बाह्य  अपराधिक समुहले  नभइ पारिवारीक कलहका कारण  स्वयं श्यामध्बाट नै हत्या  र आत्महत्या भएको स्पष्ट पारेका छन् ।

 त्रिवि शिक्षण अस्पताबाट प्राप्त रिर्पोटले  पनि शयमध्वजकी श्रीमती र छोरीको हत्या  तथा श्यामध्वजको आत्महत्या  भएको देखाएको आजको गोरखापत्रले लेखेको छ ।  अनुसन्धानमा संलग्न  प्रहरी अधिकारीका अनुसार,  श्रीमान र श्रीमतीवीच  कलहका कारण  श्यामध्वजले  श्रीमती र छोरीको गर्धन  थिचेर हत्या गरिसेकपछि आपूmले पनि  आत्महत्या गरेका हुन् ।


तर,  महतका आफन्तले  भने उनीहरुबीच मनमुटाव  नभएको बताएको छ ।  प्रंहरी उपरिक्षक  श्रेष्ठ भन्छन् “साझ हाँसीखुसी  सुतेका  श्रीमान श्रीमतीवीच  मध्यरातमा के कुरामा विवाद सिर्जना भयो  त्यो कुरा पत्ता लाग्न सकेको छैन् ।


 मृतकका परिवारले विवाद नभएको भनेपनि  दम्पतीवीच  अलि अगाडि देखि नै पारिवारीक कलह  भएको हुनसक्छ ।  सर्लाहीका  महत र भक्तपुर थिमीकी कार्कीबीच  अन्रतजातिय विवाह भएको थियो ।  हत्याको पछाडि अमेरिका जाने  र आर्थिक रकम  जुटाउने विषयमा विवाद भएको हुनसक्ने अनुमान प्रहरीको छ । 

शुक्रबार मध्यरातमा भएको सो हत्या घटनामा  शयमध्वजले खाटमा  सँगै सुतेकी श्रीमतीको घाँटी थिच्दै  गर्दा चारवर्षीया छोरी नानुले  “मामुलाई  त्यसो नगर्नुस” भनेर चिच्याएको  आवाज  सुनेको स्थानीयले बताएका हुन । 

महतले  श्रीमतीको हत्या गरिसकेपटि पोल खुल्ने  डरले  छोरीको गर्धन थिचेर  हत्या गरेको  प्रहरीले जनाएको छ ।  आमा–छोरीको  हत्यामा गर्धन थिच्ने प्रयोग भएका ( फिङ्गर प्रिन्ट)  हातहरुको  छाप तथा डोबहरू मिल्न  गएकाले हत्या श्यामध्वजले नै गरेको र आफूले आत्महत्या गरेको मेडिकल रिर्पोटमा उल्खेछ ।