हाल के गर्दै हुनुहुन्छ?
डकुमेन्ट्री बनाउँछु र समाचार पनि लेख्ने गर्छु।
बिहानी कसरी बित्छ ?
दुई बच्चाको हेरचाह गर्दैमा समय बितेको पत्तै हुँदैन।
पढ्दै गरेको पुस्तक ?
प्रवीण अधिकारीको भ्यानिसिंग याक्ट।
मन परेको पुस्तक ?
धेरै पढ्छु, यो नै भन्ने छैन।
सम्बन्धको परिभाषा ?
समझदारी हुनुपर्छ, एकअर्कामा सहयोगी हुनुपर्छ।
प्रेम के हो त ?
एउटा भावना।
सुन्दरता र बौद्धिकतामा केलाई बढी महत्त्वपूर्ण मान्नुहुन्छ ?
बौद्धिकता आवश्यक छ किनकि सुन्दरता हराएर जान्छ ।
फेसनप्रति कत्तिको सचेत हुनुहुन्छ ?
फेसनसम्बन्धी केही थाहा छैन र मतलब पनि गर्दिनँ ।
खुसी के हो त ?
एक प्रकारको भावना।
तपाईंको सपना ?
यो परिवर्तित हुन्छ र निरन्तर हुन्छ, यो नै भन्ने छैन।
जीवनलाई कसरी हेर्नुभएको छ ?
सुन्दर, एउटा अत्यन्तै सुन्दर चीज।
राजनीतिमा कत्तिको रुचि छ ?
अति आवश्यक, सबैले बुझ्नु र रुचि राख्नु जरुरी छ।
महिला हुनुको अर्थ ?
आशीर्वाद हो, खुसी छु ।
महिलाको सबैभन्दा राम्रो पक्ष ?
पुरुषभन्दा धेरै विषयमा परिपक्व हुन्छन्।
काम र महिलाको सम्बन्ध ?
पैसा छ भनेर काम नगर्ने हैन, काम त गर्नैपर्छ ।
तपाईंलाई मन पर्ने काम ?
किताब पढ्ने ।
सक्ने भए के गर्थें जस्तो लाग्छ ?
आँट्नुपर्छ, सबै काम सम्भव हुन्छ। हाल त्यस्तो केही सोचेको छैन।
विवाहको अर्थ ?
एक प्रकारको बन्धन । तर, यो महत्त्वपूर्ण छ ।
पुरुषको सबल पक्ष के हो जस्तो लाग्छ?
सोच्नै गाह्रो भयो ।
बिर्सन नसक्ने क्षण ?
बच्चा जन्माउँदाको क्षण कहिल्यै बिर्सन सक्दिनँ।
के देखेर सबैभन्दा बढी घृणा लाग्छ ?
जातीय विभेद मलाई पटक्कै मन पर्दैन ।
सफलताको आधार वा सूत्र ?
कडा परिश्रम ।
प्रस्तुति : नीतु घले/अन्नपूर्ण