उत्तर कोरियाले दक्षिण कोरियासँगको समुन्द्री सीमा क्षेत्रमा गोलाबारीको अभ्यास शुरु गरेको छ ।
दुई देशको पश्चिमी समुन्द्री क्षेत्रमा उत्तर कोरियाली गोलाबारी गरिरहेको दक्षिण कोरियाली अधिकारीहरुले बताएका छन् ।
प्योङयाङले एक महिना भित्र यस्तो अभ्यास गरेको दोश्रो पटक हो ।
दक्षिण कोरियाको रक्षा मन्त्रालयले कोरियाली प्रायद्वीपको पश्चिममा रहेका दुई टापुमा गोलाबारीको अभ्यास गरिरहेको जनाएको छ ।
रक्षा मन्त्रालयले देशको सेनालाई तयारी अवस्थामा राखिएको पनि जनाएको छ ।
उत्तर र दक्षिण कोरियाबीच समुन्द्री सीमा क्षेत्रमा निरन्तर तनाव रहँदै आएको छ ।
यस अघि पनि दुई कोरियाबीच पटक पटक सीमाक्षेत्रमा गोलीबारी हुँदै आएको छ ।
सन् १९५० मा युद्ध लडेका दुई कोरियाबीच त्यसपछि कुनै शान्ति सम्झौता नभएका कारण दुई देश प्राविधिकरुपमा युद्धमै छन् ।
source : nepaliheadlines