काठमाडौं । कुनै समय राजा र राजपरिवारलाई भगवानको प्रतिकको रुपमा लिइन्थ्यो । तर राजा वीरेन्द्र र उनको राजपरिवारको जीवनशैली भने हामीले सोचेभन्दा निकै सरल थियो ।
विं.सं २०५८ जेठ १९ गते राति भएको भयानक दरवार हत्याकाण्डसंगै उनको जीवनका थुप्रै रहस्यहरु लोप भए । एड भ्यान डेर कोए नामक डच चित्रकार सोही हत्याकाण्डमा जीवन गुमाएकी अधिराजकुमारी श्रुतीका ठूला प्रशंसक थिए ।
उनले श्रुतीको बारेमा एउटा छोटो भिडियो बनाएर युट्युवमा अपलोड गरेका छन् । यो नै उनको सामान्य जीवनकोबारेमा सार्वजनिक भएको एकमात्र भिडियो हुन सक्छ ।
यतिमात्र होइन राजा वीरेन्द्र जस्तै उनको परिवारका सवै सदस्यहरुको जीवनशैली पनि सामान्य नै थियो । राजधानीकै पद्मकन्या क्याम्पसमा पढ्नुले पनि उनको सामान्य जीवनलाई पुष्टि गर्दछ । निकै सुन्दर लाग्ने अधिराजकुमारी श्रुतीका निकै दुर्लभ फोटोहरु पनि सार्वजनिक भएका छन् ।
