काठमाडौं, आषाढ २ । ईराकको मोसुल र टिक्रिटलगायतका शहरहरु नियन्त्रणमा लिएका उग्रबादी सुन्नी लडाकुहरुले सयौ सरकारी सुरक्षाकर्मीको आमहत्या गरेको हुनसक्ने अन्र्तरािष्ट्रय संचार माध्यमहरुले जनाएका छन् ।बीबीसीले दिएको समाचार अनुसार सयौ इराकी सैनिकहरुलाई लडाकुहरुले अज्ञात स्थानमा पुर्याई हत्या गरेका भिडियो र तस्बीरहरु सार्वजनिक भएका छन् । द स्लामिक स्टेट अफ ईराक एण्ड लिभेन्ट आईएआईएस समूहले सार्वजनिक गरेका भिडियोहरु आङै जिरिङ पार्ने खालका छन् ।
भिडियोमा सयौ सुरक्षाकर्मीहरुले आफुहरुले आत्मसमर्पण गरेको भन्दै कराईरहेको आबाज सुन्न सकिन्छ । बेभसाईटहरुमा सार्वजनिक गरिएका तस्बीरहरुमा सुन्नी लडाकुहरुले सैनिक जवानहरुलाई ताकी ताकी गोली हानिएका र मारिएपछि गाडीमा हाली गोप्य स्थानतर्फ लगिएका देखाईएको छ । इराकी सेनाका प्रबक्ताले सार्वजनिक भएका तस्बीरहरु आधिकारिक भएका जनाएका छन् तर यस्को स्वतन्त्र पुष्टि हुन सकेको छैन् । आईइसआईएस समूहले मोसुल र टिक्रिट शहर कब्जा गरेपछि लाखौ जनता विस्थापित भएका छन् ।राजधानी बग्दादतर्फ सुन्नी लडाकुहरु अगाडि बढिरहेको खबर आईरहदा अमेरिकाले बग्दादस्थित आफ्नो दुताबासमा सुरक्षा कडा बनाउंदै केही कर्मचारीहरुलाई सुरक्षित स्थानतर्फ पठाईसकेको जनाईएको छ ।
सन् २००३ मा अमेरिकाले इराकमा आक्रमण गरी सद्धाम हुसेनलाई मारेपछि भएको यो सबैभन्दा ठूलो हिंसा हो । त्यतिखेर सद्धाम सरकारको पतन गराउन अमेरिका र उस्का सहयोगी राष्ट्रहरुले जथाभावी विद्रोहीहरुलाई बांडेका हतियार नै यतिखेर सुन्नी विद्रोहीहरुले दुरुपयोग गरी पुरै इराकलाई नियन्त्रणमा लिने हैसियतमा पुगेका हुनसक्ने आंकलन गरिएको छ । - स्रोत : इमेज खबर